Hathon Ko Gora Karne Ki Tips

Here you can read amazing Hand beauty tips. By using these tips you can get soft and beautiful hands.

Har insan jo bhi is duniya mein hai apny hathon aur pairon ka rang gora krna chahta hai. Hathon ko gora karne ki zyada fikar ladies ko hoti hai kyn k ghar kam kaaj karti hain jis ki waja sy un k hathon ka rang kharab ho jata hai. Hathon ko gora karne ki tips neechy di jaa rahi hain.

Hathon Ko Gora Karne Ki Tips

Shehad (Honey)

Shehad aik aisa gharelu juzz hai jo sab hi ky ghar mein asani sy mayasir ho jata hai aur ye skin ky liye behtareen moisturizer mana jata hai. Chahy hamary chehre ki skin ho ya phir hath pair ki, ye sab hi ky liye faidy mand hota hai. Iske istimal ke liye masle hoye aalu (mash potato) mein 2-3 chamach shehad aur 4-5 chamach doodh ko mila lijiye, is paste ko apne hathon ki hatheliyon par achi tarhan sy lagayen aur 15-20 minutes tak lagaye rakhy. Is ky baad apny hathon ki hatheliyon ko dhoo lein, is sy ap ki hatheliya naram aur mulayem ho jayen gi.

Doodh, Nimbu aur Glycerin

Doodh aur nimbu bhi skin ky liye bohat mufeed hoty hain aur ye hamary ghar me asani sy mayasir ho sakty hain. In ky istimal ky liye doodh ko ubalne ky baad thanda kar lein. Ab is doodh me kuch drops glycerin ky aur kuch drops nimbu ky ras ky mila li jiye. Mixture ko achi tarhan sy milany ke baad, is bany hoye mixture sy apny hathon ki achi tarhan sy aur aram aram sy malish karien, is sy ap ky hath zaroor hi naram aur molayem ho jayen gy.

Nariyeel Ka Tail

Nariyeel aik aisa juzz hai jis ko khany sy hamari skin glow karti hai sath hi is ka tail bhi hamary baalon ky liye bohat hi faidy mand hota hai. Wohi jab hamari hathon ki care ki baat ati hai tou nariyeel ka tail is ky liye bohat hi faidy mand hota hai. Raat ko sony jany sy pehly rozana simple nariyeel tail sy apny hathon ki achy sy malish kar ky soyen, kuch hi dino mein ap dekhen gy ky ap ky hath naram-o-molayeem aur chamak daar ho jayen gy.

Makhan (Butter)

Ham makhan ko bread ky sath khana bohat pasand karty hain, lakin kya ap janty hain ky yahi makhan ap ky hath ki hatheliyon ko naram-o-mlayeem aur chamak daar bana sakta hai. Is makhan ko ap apny hathon par achi tarhan sy laga lein aur kuch deir rakhny ky baad isy dho lein, is sy ap ky hathon ki jild mulayeem ho jayegi.

Malayi Aur Haldi

Malayi bhi ap ky hathon ko khoob sorat kar sakti hai. Is ky liye ap malayi lein aur us mein chutki bhar haldi mila lein aur kuch drops nimbu ky rass ky daal kar achi tarhan mila lein. Is tarhan bany hoye mixture ko ap apny hathon par achi tarhan sy laga lein aur kuch 5-10 minute rakhny ky baad chahen tou ragar kar nikaal dein ya phir saady pani se dhoo lein. Is sy ap ky hathon ki jild mein jaan aa jaye gi.

You can also Check:

About Arsalan Mukhtar

Iamarsalan.com's content is in good hands with Arsalan Mukhtar! He works with a great team to write interesting and helpful articles. If you need the latest news, advice, or cool stories, Arsalan Mukhtar's got you covered! Check out the website and see what they can do for you. Now-a-days it is very difficult to find the quality data on internet because lots of low-quality websites are now designed that contain very useless data on them.

Leave a Reply

Your email address will not be published. Required fields are marked *